Tachartasan

[English version]

Tachartasan ri thighinn

Air Diciadain 18 Samhain, 7f, bidh an t-ùghdar Tim Armstrong a’ bruidhinn mun nobhail ùr aige An Luingeas Dorcha air Fàire agus ficsean-saidheans anns a’ Ghàidhlig san fharsaingeachd. Thèid an tachartas seo a chumail anns an Writing Room, Teviot Union, 13 Bristo Place, Dùn Èideann EH8 9AJ. Briog an seo airson clàradh.

Air Disathairne 21 Samhain aig 11:30m thigibh a-nall airson cuairt coiseachd dhà-chànanach (Gàidhlig-Beurla) mu thimcheall Oighreachd Dhùn Mheinidh (air iomall Phort na Banrighinn). Coinnichidh sinn aig ìomhaigh an ròin mu choinneamh The Hawes Inn aig 11:30m. Briog an seo airson clàradh.

Air Dimàirt 24 Samhain aig 7f, thigibh an cuideachd Ross Christie (às leth NàdarAlba) airson an taisbeanaidh ‘Gàidhlig agus a’ Mhòinteach’, a rùrachd ainmean ’s briathrachas dha feartan-tìre, lusan ’s beathaichean na mòintich, agus sùil a thoirt air a dìleab chultarach. Thèid seo a chumail aig Grace Church Leith, 3 Shrubhill Walk, Dùn Èideann EH7 4RB. Briog an seo airson clàradh.

Tachartasan a chùm sinn roimhe

2026

Air Disathairne 7 Samhain, rùraich sinn eachdraidh na Gàidhlig aig Caisteal Dhùn Èideann tro chuairt treòirichte sa Ghàidhlig, air a cur air dòigh le Caitlin Andrew aig Àrainneachd Eachdraidheil Alba. Ceud taing, a Chaitlin! Briog an seo airson tuilleadh.

Air Disathairne 31 Dàmhair bha an t-ùghdar Murchadh MacLeòid còmhla rinn ag innse dhuinn mun leabhar-là Gàidhlig aige Mi Fhìn is Mo Shaoghal – iomchaidh dhan dà chuid fileantaich agus luchd-ionnsachaidh – a tha a’ gabhail a-steach sheanfhaclan airson gach latha den bhliadha, iomraidhean air na thachair air gach latha ann an eachdraidh na Gàidhealtachd, abairtean feumail a bheir togail, agus rùm gu leòr airson nan nòtaichean agaibh fhèin. Briog an seo airson tuilleadh fiosrachaidh agus airson an leabhar-là a cheannach.

Air 25 Sultain agus 9 Dàmhair chùm sinn dà bhùth-obrach, ‘Mearachdan cumanta sa Ghàidhlig’ agus ‘Rudan air nach eil fios againn mun Ghàidhlig’, air an stiùireadh le Wilson McLeod, cathraiche Ionad Gàidhlig Dhùn Èideann.

Air 19 Sultain chuala sinn òraid fìor bhrìoghmhor mu ainmean-àite co-cheangailte ri aibhnichean, uillt agus sruthan leis an Dr Jake King aig Leabharlann Nàiseanta na h-Alba.

Air 12 Sultain fhuair sinn cuairt threòirichte anabarrach inntinneach air Caisteal Dhùn Èideann le Caitlin Andrew aig Àrainneachd Eachdraidheil Alba, air latha foghair fìor ghaothach.

Chuir sinn an leabhar ùr againn A’ Ghàidhlig ann an Dùn Èideann tro na Linntean air bhog air Dimàirt 8 Sultain aig Oilthigh Dhùn Èideann. Chuala sinn mu eachdraidh, foghlam, ainmean-àite agus litreachas bho na h-ùghdaran agus com-pàirtichean. Tha an leabhar ri fhaighinn bhon làrach-lìn againn agus bho Chomhairle nan Leabhraichean.

Chaidh an tachartas mu dheireadh anns an t-sreath de làithean coimhearsnachd Cruinn Còmhla againn a chumail ann an Newhaven air Disathairne 9 Cèitean. Thoiribh sùil air na thachair aig an tachartas spòrsail seo a bha mar phàirt de phròiseact gus àite a chruthachadh airson na Gàidhlig ann an Dùn Èideann.

Air Disathairne 26 Giblean chomharraich sinn ‘còmhlachas’ tro Ghàidhlig agus Gaeilge a chomharrachadh aig a’ chiad sgrìneadh ann an Dùn Èideann den fhilm ghoirid ‘Le Chéile’ le Róise Nic an Bheatha.

Thàinig daoine Cruinn Còmhla bho air feadh na coimhearsnachd Gàidhlig ann an Dùn Èideann airson an treas latha coimhearsnachd againn air 28 Gearran – gnìomhachdan Gàidhlig spòrsail agus cabadaich gu leòr!

Airson Seachdain na Gàidhlig, bha sinn a’ beachdachadh air dè cho cudromachd ‘s a tha na meadhanan Gàidhlig ann a bhith a’ brosnachadh dhaoine Gàidhlig a bhruidhinn, ann an cuideachd sàr-eòlaichean – Mata MacÌomhair, Cathy NicDhòmhnaill & Calum MacIlleathain.

Abair deagh latha a bh’ againn air Cruinn Còmhla a’ chiad latha coimhearsnachd againn ann an 2026! B’ e seo an dàrna tachartas ann an sreath de cheithir tachartasan.

2025

Faigh a-mach mu na h-òrain Ghàidhlig Dhùn Èideann bhon chuirm-chiùil shònraichte againn airson Latha Naomh Anndrais, ann an cuideachd Makar na h-Alba, Pàdraig MacAoidh

Faigh blasad de na thachair aig an tachartas coimhearsnachd againn Cruinn Còmhla air 15 Samhain.

Air 22 Ògmhios, chuir sinn criòch air an t-sreath thachartasan ‘Gàidhlig ann an Dùn Èideann: an-dè, an-diugh agus a-màireach’ airson Edinburgh 900, le cuairt coiseachd timcheall air Dùn Èideann nan Gàidheal.

Chùm sinn dà latha bogaidh soirbheachail eile anns a’ Ghiblean agus anns an Ògmhios. Tuilleadh fiosrachaidh an seo.

‘Gàidhlig ann an Dùn Èideann: an-dè, an-diugh agus a-màireach‘: airson Edinburgh 900 chùm sinn sreath thachartasan a rinn sgrùdadh air dùthchas Gàidhlig Dhùn Èideann. Thoiribh sùil air an seo.

Airson an dàrna bliadhna, chuir sinn Ionad Pop Up air dòigh airson Seachdain na Gàidhlig ann an 2025, a’ toirt còmhla daoine bho air feadh na coimhearsnachd Ghàidhlig ann an Dùn Èideann.

Chùm sinn dà latha bogaidh soirbheachail anns an Fhaoillich agus anns a’ Ghearran. Tuilleadh fiosrachaidh an seo.

2024

Air 1 Dùbhlachd ghabh sinn cuairt ann an seann bhaile Dhùn Èideann gus sùil a thoirt air cuid de na làraichean cudromach anns a’ bhaile a tha co-cheangailte ris na Gàidheil agus ris a’ Ghàidhlig.

Latha Mòr na Gàidhlig: air 15 Ògmhios thàinig coimhearsnachd na Gàidhlig còmhla airson a’ chiad Latha Mòr na Gàidhlig ann an Dùn Èideann. Mòran taing dhan a h-uile duine a thàinig ‘s a chuidich!

Latha Dhonnchaidh Bhàin: Faigh fios air na rinn sinn gus 300 bliadhna bhon a rugadh am bàrd cliùiteach Donnchadh Bàn Mac an t-Saoir a chomharrachadh.

IONAD POP UP: Thug sinn coimhearsnachd na Gàidhlig còmhla ann an Seachdain na Gàidhlig airson Ionad Pop Up.